Kréditu Fiskal infantil (CTC) é ka um kréditu fiskal novu, más dje muda pa 2021 — sta más dinheru dispunível y 90% di kes ki é elegível ta risebi pagamentus antisipadus automatikamenti.
Elegibilidadi pa CTC
- Si bu fidju/fidjus tem entri 0 y 17 anu (Es debi tem númeru di Siguransa Sosial pa es ser elegível)
- $3.600 pur kriansa di 0 a 5 anu di idadi
- $3.000 pur kriansa di 6 a 17 anu di idadi
- Pa bu resebi CTC kompletu, kontribuintis ka podi fazi más ki:
- $150.000 pa kes kontribuintis ki é kasadu y aplika pa divuluson konjuntu y viúvas/viúvus elegível
- $112.500 pa xefis di família
- $75.000 pa tudu kes otu kontribuintis
- Dipos di valoris di riba, kréditu ta fika progresivamenti más pikinoti
Pagamentus antisipadu ta kumesa na julhu
IRS sta liberta metadi di montanti di riba antisipadu a partir di 15 di julhu di 2021.
Bu ta risebi $300 pur mês pa kada kriansa ki ta kualifika y dipendenti di 0-5 anu di idadi ($1.800 na 6 mês) ô $250 pur mês pa kada kriansa ki ta kualifika y dipendenti di 6-17 anu di idadi ($1.500 na 6 mês). Bu ta risebi restu di dinheru ora ki bu fazi impostu na 2022.
Modi ki bu ta exklui pagamentus mensal
Bu ta risebi automatikamenti CTC na pagamentus mensal si bu apresenta um deklarason di impostu di 2019 ô 2020 y pidi Kréditu Fiskal Infantil na divuluson ô entrega IRS bus informason através di Feramenta Non-Filers na IRS.gov pa risebi kes pagamentus di stímulus.
Si bu sta pretendi exklui pagamentu mensalmenti ô atualiza númeru di fidju ki bu tem komu dipendenti, bu podi utiliza Portal di IRS pa atualiza bus informason.
Inda bu ka fazi bus impostu pa 2020 ô bo é ka obrigadu a fazi impostu pa 2021
Bu ka ta risebi automatikamenti CTC na pagamentus mensal si…
- Bu ka fazi impostu na 2020, bu ka foi obrigadu a fazi impostu na 2021, y si bu ka da IRS bu informason através di Feramenta Non-Filers pa stímulus.
- Bu tem ki utiliza novu Feramenta Non-Filers
- Bu ka mesti fazi kela si bu risebi algun di kes xeki di stímulus. Si bu risebi xeki di stímulus más bu mesti di atualiza bus informason bu debi utiliza portal CTC di IRS (https://www.irs.gov/credits-deductions/child-tax-credit-update-portal).
Dispunibilidadi di preparason fiskal y asistênsia à CTC
Pa sirvisus gratuitu di priparason fiskal visita nos página di Sites Fiskal pa obtem más informason.
Pa asistênsia ô más informason sobri CTC kontakta Navegadoris Finanseirus di Gabineti di Presidenti di Kâmara.
Visita childtaxcredit.gov pa más informason!